අමාත්‍ය ධූර වෙනස් කිරීමෙන් රටේ පවතින ජාතික ප්‍රශ්නවලට පිළිතුරු දීමට වත්මන් ආණ්ඩුවට බෑ !

සමාජවාදී ජනතා පෙරමුණේ අද (22) පැවති මාධ්‍ය හමුවකට එක් වෙමින් ශ්‍රී ලංකා කොමියුනිස්ට් පක්ෂයේ පාර්ලිමේන්තු මන්ත්‍රී චන්ද්‍රසිරි ගජධීර මහතා පවසා සිටියේ අමාත්‍ය ධූර වෙනස් කිරීම තුළින් රටේ පවතින ජාතික ප්‍රශ්නවලට පිළිතුරු ලබා දීමට වත්මන් ආණ්ඩුවට හැකියාවක් නොමැති බවයි.

ආණ්ඩුව විසින් දීර්ඝ කාලයක් බලා සිටි කාර්යයක් අද දිනයේ දී මෙලෙස අමාත්‍ය ධූර වෙනස් කිරීම තුළින් සිදු කර ඇති බවත් ආණ්ඩුව ගෙනියන මුලික ආර්ථික වැඩ පිළිවෙලෙහි කිසිදු වෙනසක් මේ තුළින් අපේක්ෂා කළ නොහැකි බව ද ගජධීර මහතා වැඩි දුරටත් පැවසීය.
ඇමති මණ්ඩලය වෙනස් වීමෙන් ආර්ථිකය ඉදිරියට යන බවක් ජනතාවට හැඟවීම මෙහි අරමුණ විය හැකි වුවත් නිසි ආර්ථික ප්‍රතිපත්ති නොමැතිව කවරෙක් අමාත්‍ය ධූරයන්ට පත්වුව ද එය වැදගත් නොවන බව ද මන්ත්‍රීවරයා මෙහිදී කියා සිටියේ ය.
මේ අතර අද දිනට ශ්‍රි ලංකා ජනරජ දිනය යෙදී ඇති වුවත් ඓතිහාසික වටිනාකම් එවැනි දිනයක් සැමරීමට හෝ වර්තමාන ආණ්ඩුවට කිසිදු උවමනාවක් නොමැති බව ද මෙම මාධ්‍ය හමුවට එක් වු ලංකා සම සමාජ පක්ෂයේ ප්‍රධාන ලේකම්  තිස්ස විතාරණ මහතා පැවසීය.
(Visited 18 times, 1 visits today)

කාටූන්

ජයාරූප