ගෝඨාභය-ෆොන්සේකාව යුධ හමුදාපති කලේ යුද්ධය මෙහෙයවීමට මිනීමරන මානසිකත්වයක් තියෙන කෙනෙක් අවශ්‍ය නිසායි

පෙරේදා (4) බත්තරමුල්ල නෙලුම්පෙදෙසේ පොදුජන පෙරමුණ පක්ෂ කාර්යාලයේදී පැවති මාධ්‍ය හමුවකදී පාර්ලිමේන්තු මන්ත්‍රී ප්‍රසන්න රණතුංග මහතා පවසා සිටියේ ෆීල්ඩ් මාෂල් සරත් ෆොන්සේකා මහතාට ආරක්ෂක අමාත්‍යංශයේ හිටපු ලේකම් ගෝඨාභය රාජපක්ෂ මහතා, සරත් ෆොන්සේකාව මහතාව යුධ හමුදාපති කලේ යුද්ධය මෙහෙයවීමට මිනීමරන මානසිකත්වයක් තියෙන කෙනෙක් අවශ්‍ය නිසා බවය .

 

මන්ත්‍රිවරයා එහිදී මෙසේ පැවැසීය.

”ෆොන්සේකා හමුදාවෙන් විශ්‍රාම යන්න හදන වෙලාවේ මිනීමරන මානසිකත්වයක් තියෙන කෙනෙක් අවශ්‍ය නිසා තමයි ගෝඨාභය ඔහුව පත් කළේ. ඔහු යුද්ධය මෙහෙයවන කාලේ ඉඳන් හමුදාව ඇමෙරිකාවට පාවා දෙන්න කටයුතු කළා. දැන් රටේ මිනිසුන්ගේ විරෝධතා මර්දනය කරන්න ඒකකයක් භාරදෙන්න යනවා ඔහුට. රටේ පුරවැසියන්ගේ ආරක්ෂාව පවා අද තර්ජනයකට ලක්ව තිබෙනවා.”

”අද මහින්ද රාජපක්ෂ මැතිතුමාගේ ජීවිතේ අනතුරක දාලා තියෙනවා. ජනාධිපතිවරණය පැරැදුණාට පස්සේ ආරක්ෂක මණ්ඩලය මැදිහත් වෙලා එල්.ටී.ටී.ඊ. ත්‍රස්තවාදය පරාජය කළ නායකයාට ආරක්ෂාව ලබාදෙන හැටි කැබිනට් මණ්ඩලයෙන් අනුමත කරලයි එතුමට ආරක්ෂාව දුන්නේ.

එසේ දීලා තියෙද්දී කාලයකට පෙර පැවැති රැස්වීමට පහුවදා ලබාදී තිබූ හමුදාව ඉවත් කළා. පසුගිය මැයි දෙවැනිදා වෙනකොට විදේශීය පුහුණුව ලත් ආරක්ෂකයෝ ටික ඉවත් කළා.

මේ කාරණා දෙකට සමගාමීව ෆොන්සේකා කරපු ප්‍රකාශ මොනවාද..? සාටකයෙන් එල්ලනවා කිව්වා. ජීවිතයට හානියක් කරන බව තමයි වක්‍රාකාරයෙන් කිව්වේ. රාජිත සේනාරත්නත් කිව්වේ එයමයි.

මේවා අහඹු ලෙස සිදුවෙන දේවල් නෙවෙයි. සැලසුම් සහගතව විදේශ හා දේශීය කුමන්ත්‍රණ හරහා මහින්ද රාජපක්ෂ මැතිතුමාගේ ජීවිතයට අනතුරකට පත්කරනවා.

යුරෝපය ඇතුළු ප්‍රබල රටවල්වලට ලොකු වුවමනාවක් තියෙනවා මහින්ද රාජපක්ෂව දේශපාලනයෙන් ඉවත් කරන්න. ඒ නිසා තමයි මෙවැනි දේවල් කරන්නේ.”

(Visited 18 times, 1 visits today)

කාටූන්

ජයාරූප