මයිලෝ විරෝධය ජනපති ආරම්භ කරයි!

ජනප්‍රිය චොකලට් මිශ්‍ර කිරි පානයක් වන “මයිලෝ“ තුළ අධික සීනි මට්ටමක් පවතින බවත්, සාමාන්‍ය අගය 5% මට්ටමේ තිබිය යුතු වුවත් මයිලෝ වල එම අගය 16.5% මට්ටමේ පවතින බවත් ජනාධිපති මෛත්‍රීපාල සිරිසේන මහතා පවසයි.

මෙම අධික සීනි ප්‍රතිශතය අඩු නොකළහොත් කිරි පැකට්ටුව අරන් රට පුරා විරෝධය දක්වන බවද ජනාධිපතිවරයා කියා සිටී. හෙතෙම මේ බව කියා සිටියේ ඊයේ 11 වෙනිදා දියවැඩියා දිනය වෙනුවෙන් පැවති පාගමනට සහභාගි වෙමිනි.

පසුගිය කාලයේදී බහුජාතික කිරිපිටි සමාගම් සම්බන්ධව දැඩි ප්‍රතිපත්තියක සිටින ජනාධිපතිවරයා විසින් මෙම ප්‍රකාශය කලේ මෙරටේ සිටින ප්‍රධාන බහු ජාතික සමාගමක් වන නෙස්ලේ සමාගමේ ක්‍රියාකාරකම් සම්බන්ධවයි. එම සමාගම මෙරටේ ලදරු කිරිපිටි වන නෑන්, ලැක්ටෝජන මෙන්ම සීනි අධික නෙස්ප්‍රේ කිරිපිටි ද අලෙවි කරන සමාගමකි.

මෑතක සිට නෙස්ලේ සමාගම 20 % සිනී මිශ්‍ර කොට කිරිපිටි ලෙස “නෙස්ප්‍රේ එවරිඩේ” නමින් කිරිපිටි අලෙවි කරන අතර පාරිභෝගිකයා නොමග යැවීම සඳහා එහි අඩංගු සීනි ප්‍රමාණය සගවා අලෙවි කිරිමට පටන්ගෙන ඇති බව ජනාධිපතිවරයා අනාවරනය කරගෙන ඇත.

(Visited 12 times, 1 visits today)

Leave a Reply

Your email address will not be published. Required fields are marked *

කාටූන්

ජයාරූප