“රජයේ කට්ටිය ඉන්නව මාව හිර කරන්න බලාගෙන”

පුද්ගලයෙකු පැහැරගෙන යාම සම්බන්ධයෙන් මන්ත්‍රිනී හිරුණිකා ප්‍රේමචන්ද්‍රට එරෙහිව ගොනුකර ඇති නඩු විභාගය සඳහා උසාවියට පැමිණි අවස්ථාවේ දී මාධ්‍යවේදීන් ඇසූ ප්‍රශ්නවලට පිළිතුරු දෙමින් පවසා සිටියෙ තමන්ව සිරගත කිරීම සඳහා උත්සාහයක යෙදෙන පිරිසක් ආණ්ඩුව ඇතුළත සිටින බවය.

“රජයක් පත්වුනා කියල එක එක පුද්ගලයට රජය ඇතුළේ සළකන විදිහ වෙනස්” යැයි පැවසු හිරුණිකා ප්‍රේමචන්ද්‍ර මන්ත්‍රීවරිය “රජයේ කට්ටිය ඉන්නව මාව හිර කරන්න බලාගෙන” යනුවෙන් ද ප්‍රකාශ කළාය.

පුද්ගලයෙකු පැහැරගෙන යාම සම්බන්ධයෙන් චෝදනා එල්ල වී තිබෙන ආණ්ඩු පක්ෂ පාර්ලිමේන්තු මන්ත්‍රිනී හිරුණිකා ප්‍රේමචන්ද්‍ර ඇතුළු විත්තිකරුවන් නව දෙනෙකුට එරෙහිව පවරා තිබෙන නඩුව විභාග කිරීම සඳහා අද කොළඹ මහාධිකරණය දින නියම කළේය.

ඒ අනුව නඩුව නොවැම්බර් මස 08වැනිදා විභාග කිරීමට දින නියම කළ අධිකරණය එදිනට සාක්කිකරුවන් කැඳවීමට පියවර ගන්නා මෙන් රජයේ නීතිවේදියාට නියම කළේය.

2015 වසරේ දෙසැම්බර් මස 21 වැනිදා දෙමටගොඩදී ඩිෆෙන්ඩර් වාහනයකින් පුද්ගලයෙකු පැහැරගෙන ගොස් පහර දුන් බවට චෝදනා කරමින් හිරුණිකා ප්‍රේමචන්ද්‍ර ඇතුළු විත්තිකරුවන් නව දෙනෙකුට එරෙහිව නීතිපතිවරයා නඩු පවරා තිබේ

 

(Visited 17 times, 1 visits today)

කාටූන්

ජයාරූප